نیویارک: سویڈن سے تعلق رکھنے والی 16 سالہ انوائرمینٹل ایکٹوسٹ گریٹا تھون برگ نے ماحولیاتی بگاڑ روکنے میں ناکامی پر عالمی رہنماؤں کو کڑی تنقید کا نشانہ بنایا ہے.
تفصیلات کے مطابق اقوام متحدہ کے موسمیاتی اجلاس میں گریٹا تھون برگ ایک جذباتی خطاب کرتے ہوئے ماحولیاتی بگاڑ کی ذمے داری عالمی حکمرانوں، سیاست دانوں پر عائد کی۔
انھوں نے کہا کہ میں شدید پریشان ہیں، ہلاکتیں ہو رہی ہیں، مگر عالمی حکمران پیسے اور اقتصادی ترقی کی خام خیالی میں مصروف ہیں۔
تھنبرگ نے کہا، آپ لوگ ایسی بے عملی کا مظاہرہ کیسے کر سکتے ہیں۔ مجھے یہاں آنے کے بجائے اس اسکول میں ہونا چاہے تھا، مگر میں آپ لوگوں کی غفلت کے باعث یہاں ہوں.
مزید پڑھیں: “یہ سیارہ ہمارا اپنا ہے”: 16 سالہ طالبہ کی اپیل پر دنیا بھر میں مظاہرے
گریٹا تھون برگ نے کہا، آپ ان حالات میں بھی ہم نوجوان سے امید وابستہ کرنا چاہتے ہیں، آپ ایسا کرنے کی کیسے جرات کرسکتے ہیں، آپ کے کھوکھلے الفاظ نے میرا بچپن، میرا خواب چرا لیے.
خیال رہے کہ گزشتہ دونوں گریٹا کے تحریک کے اپیل پر دنیا کے سو بڑے شہروں میں ماحولیاتی بگاڑ کے خلاف بڑے مظاہرے کیے گئے تھے.
