ہر روز افطار میں خاتون خانہ کو نہ صرف اہلخانہ کے لذت کام و دہن کا خیال رکھنا پڑتا ہے بلکہ یہ کوشش بھی ہوتی ہے کہ افطار میں پیش کی جانے والی اشیا صحت بخش بھی ہوں۔
آج ہم آپ کو افطار میں مزیدار گرلڈ سینڈوچز بنانے کی ترکیب بتا رہے ہیں۔
اجزا
ڈبل روٹی: 1 عدد
میدہ: 2 کھانے کے چمچ
مکھن: 1 کھانے کا چمچ
پنیر کدو کش کیا ہوا: 1 پیالی
چینی: 1 چائے کا چمچ
نمک: حسب ذائقہ
سفید مرچ پاؤڈر: 1 چائے کا چمچ
تازہ دودھ: 1 پیالی
چکن ابلے ہوئے باریک ٹکڑے: آدھی پیالی
ترکیب
ایک پین میں پہلے آدھا مکھن ڈال کر گرم کریں، پھر میدہ ڈال کر ہلکا سا بھون لیں اور پین آنچ پر سے ہٹا لیں۔
5 منٹ کے لیے ٹھنڈا کریں پھر دودھ ڈال کر لکڑی کا چمچ چلاتے رہیں اور 2 منٹ بعد چولہے پر دوبارہ پکنے کے لیے رکھ دیں۔
جب یہ سوس گاڑھا ہوجائے تو سمجھ لیں کہ وائٹ سوس تیار ہے۔
اب اس وائٹ سوس میں چینی٬ سفید مرچ اور چکن ملا دیں۔
سلائسز کے درمیان میں سے دو ٹکڑے کرلیں۔ اس کے اوپر پہلے مکھن لگائیں پھر وائٹ سوس ملی چکن پھیلا کر لگائیں۔
اس کے اوپر پنیر رکھیں اور کالی مرچ چھڑک کر ایک بڑی ٹرے میں پھیلا کر رکھ دیں۔
اوون کو پہلے سے 370 ڈگری فارن ہائیٹ پر گرم کر لیں اور اس میں تمام سلائس دس منٹ کے لیے گرل کریں۔
پنیر پگھلنے اور گولڈن براؤن ہونے کے بعد سینڈوچز تیار ہیں۔
گرما گرم گرلڈ سینڈوچ سرو کریں۔