The news is by your side.

Advertisement

پنجاب میں لاک ڈاؤن کے اوقات کار میں تبدیلی کا نوٹیفکیشن جاری

لاہور: پنجاب حکومت نے صوبے میں لاک ڈاؤن کے اوقات کار میں تبدیلی کا نوٹیفکیشن جاری کر دیا۔

تفصیلات کے مطابق پنجاب حکومت نے کرونا وائرس کے حوالے سے جاری لاک ڈاؤن کے دوران دکانوں کے اوقات کار تبدیل کر دیے ہیں۔ حکومت پنجاب کی جانب سے اعلان کردہ نئے اوقات کار پر کل سے عمل درآمد یقینی بنایا جائےگا۔

صوبہ پنجاب میں نئے اعلان کردہ اوقات کار کے تحت کریانہ، فروٹ مارکیٹ،جنرل اسٹور اور سبزی کی دکانیں صبح 9 بجے سے لے کر شام 5 بجے تک کھلی رہیں گی۔

وزیراعلیٰ پنجاب نے کہا کہ کل سے صوبے کے تمام کاروباری مراکز کو شام 5 بجے ہر قیمت پر بند کرا دیا جائے گا۔

سردار عثمان بزدار کے مطابق نئے اوقات کار کا اطلاق میڈیکل اسٹورز اور فارمیسیز پر نہیں ہوگا۔انہوں نے کہا کہ نئے اوقات کار کا فیصلہ عوام کی صحت اور ان کی زندگی کے تحفظ کے لیے کیا گیا ہے۔

اس سے قبل پنجاب حکومت نے صوبے بھر میں کرونا وائرس کے سدباب کے لیے لاک ڈاؤن کو موثر بنانے کے لیے اشیائے ضروریہ کی تمام دکانیں صبح 8 بجے سے رات 8 بجے تک کھولنے کا فیصلہ کیا تھا۔

یاد رہےکہ ملک میں کرونا وائرس کے بڑھتے ہوئے خطرات کے پیش نظر حکومت پنجاب نے 23 مارچ کو صوبے بھر میں لاک ڈاؤن کرنے کا فیصلہ کیا تھا۔

fb-share-icon0
Tweet 20

Comments

comments

یہ بھی پڑھیں