تازہ ترین

کراچی میں ڈاکوؤں نے دولہے کو لوٹ لیا، ویڈیو سامنے آگئی

کراچی کے علاقے اورنگی ٹاؤں میں دو مسلح ڈاکوؤں نے درزی کی دکان میں دولہے کو لٹ لیا جس کی ویڈیو بھی سامنے آگئی ہے۔

چشتی نگر میں اقبال مارکیٹ کے قریب دو ڈاکوؤں نے درزی کی دکان میں واردات کی، ملزمان نے شادی کے کپڑے سلوانے کے لیے آنے والے دولہے کو دکان میں لوٹ لیا۔

ملزمان دکان میں موجود شہریوں سے موبائل فونز اور نقدی لوٹ کر فرار ہوگئے۔ دن دیہاڑے بلاخوف واردات کی فوٹیج اے آر وائی نیوز نے حاصل کرلی۔

فٹیج میں دیکھا جا سکتا ہے کہ موٹر سائیکل سوار 2 ملزمان اسلحہ لہراتے دکان میں داخل ہوئے، ملزمان نے یرغمال بنا کر دکان میں موجود افراد کو لوٹ لیا اور باآسانی فرار ہوگئے، ملزمان سعودی عرب سے پاکستان آئے شہری کا اقامہ بھی ساتھ لے گئے۔

Comments

- Advertisement -