The news is by your side.

Advertisement

جی ایس پی پلس پاکستان کی معیشت کے لیے بہت بڑا تحفہ ہے،گورنر پنجاب

لاہور: گورنر پنجاب چوہدری محمد سرور کا کہنا ہے کہ جی ایس پی پلس پاکستان کی معیشت کے لیے بہت بڑا تحفہ ہے۔

تفصیلات کے مطابق گورنر پنجاب چوہدری محمد سرور نے یورپی پار لیمنٹ کے نائب صدر سمیت دیگر اراکین سے رابطہ کیا اور جی ایس پلس پر سپورٹ کرنے پر شکریہ ادا کیا۔

چوہدری محمد سرور کا کہنا تھا کہ جی ایس پی پلس میں توسیع وزیراعظم پر اعتماد کا اظہار ہے، جی ایس پی پلس سے بر آمدات میں 9.5 فیصد اضافہ ہوگا۔

گورنر پنجاب نے کہا کہ بھارتی سازشوں کے باوجود پاکستان کو بڑی کامیابی ملی ہے، عمران خان کے ویژن کے مطابق ملک کو معاشی طور پر مضبوط کریں گے۔

انہوں نے مزید کہا کہ جی ایس پی پلس پاکستان کی معیشت کے لیے بہت بڑا تحفہ ہے، وزیر اعظم سیاسی یا ذاتی نہیں ملکی مفادات کا تحفظ کر رہے ہیں۔

واضح رہے کہ یورپی پالیمان کی بین الاقوامی تجارتی کمیٹی (آئی این ٹی اے) نے پاکستان کے لیے جنرلائزڈ سسٹم آف پریفرنس پلیس( جی ایس پی پلس) کے اسٹیٹس میں توسیع کر دی جس سے پاکستان 2023 تک برآمدات پر ترجیحی ڈیوٹیز سے فائدہ اٹھا سکے گا۔

fb-share-icon0
Tweet 20

Comments

comments

یہ بھی پڑھیں