سکھر : سندھ بھر میں سیلابی صورتحال کے بعد دریائے سندھ کے بالائی بیراجوں پر پانی کے بہاؤ میں کمی ہونا شروع ہو گئی ہے۔
اس حوالے سے ذرائع کا کہنا ہے کہ گڈو بیراج پر پانی کی سطح کم ہوکر درمیانے درجے کا سیلاب ہوگیا ہے اور پانی کا بہاؤ سندھ کے آخری کوٹری بیراج پر بڑھنے لگا ہے۔
ذرائع کے مطابق حفاظتی بندوں پر پانی کا سخت دباؤ ہے جس سے صورتحال خطرناک ہوسکتی ہے۔ تربیلاپرپانی کی آمد ایک لاکھ76ہزار اور اخراج ایک لاکھ45ہزار200کیوسک ریکارڈ کیا گیا ہے۔
کالا باغ پرپانی کی آمد ایک لاکھ81ہزار711 اور اخراج ایک لاکھ73ہزار711کیوسک جبکہ چشمہ پر پانی کی آمد2 لاکھ28ہزار310 اور اخراج2 لاکھ10ہزار310کیوسک ریکارڈ کیا گیا۔
اس کے علاوہ تونسہ پرپانی کی آمد 2لاکھ18ہزار991 اوراخراج 2 لاکھ 9ہزار491کیوسک ہے اور گڈو بیراج پر پانی کی آمد اور اخراج4لاکھ84ہزار795کیوسک ہے۔
رپورٹ کے مطابق سکھربیراج پر پانی کی آمد اوراخراج5لاکھ 44ہزار650کیوسک جبکہ کوٹری بیراج پرپانی کی آمد5 لاکھ84 ہزار691 اخراج5لاکھ72ہزار436کیوسک ریکارڈ کیا گیا ہے۔
