The news is by your side.

Advertisement

کرونا وائرس ، وفاقی ملازمین کیلئے احکامات جاری

اسلام آباد : حکومت نے وفاقی ملازمین کیلئےاحکامات جاری کردیئے ہیں، جس میں 50 سال یا زائد عمر اور نزلہ، زکام، بخار یاکسی بیماری میں مبتلاملازمین کوگھر سے کام کرنے کی ہدایت ہے۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ٹوئٹر پر اپنے پیغام میں کہا ہے کہ پاکستان کےعوام کاتحفظ،سلامتی ہماری اولین ترجیح ہے، 15 دنوں کیلئےحکومت نے وفاقی ملازمین کیلئےاحکامات جاری کردیئے ہیں، اہم امور پرسرانجام اسٹاف افسران اپنی حاضری یقینی بنائیں گے جبکہ 50 سال یا زائد عمر کے ملازمین کوگھر سےکام کی ہدایت ہے۔

فردوس عاشق اعوان کا کہنا تھا کہ نزلہ، زکام، بخار یاکسی بیماری میں مبتلاملازمین گھرسےکام کریں، دفاتر میں ڈے کیئرسینٹرز اور پبلک سروس ڈیلیوری کے تمام دفاتر بند رہیں گے، کم عمر نوزائیدہ بچوں کی مائیں گھر سے دفتری امور انجام دیں۔

معاون خصوصی نے مزید کہا کہ کرونا وائرس کے ممکنہ خدشات کے پیش نظر 15دنوں کیلئے ایکسائز اینڈ ٹیکسیشن،پراپرٹی دفاتر سمیت پارلرز اور بیوٹی سیلون بھی بند رہیں گے۔شاپنگ مال رات 10بجے بند کردیئے جائیں گے ، تاہم عوام کی سہولت کے پیشِ نظر کھانے کے ریستوران،فوڈ آؤٹ لیٹ اور ٹیک آوے کی سہولیات میسر رہیں گی۔

ان کا کہنا تھا کہ براہ راست پبلک ڈیلنگ والے شعبوں کو 2ہفتوں کیلئے بند کردیاگیا جبکہ نادرا ،پاسپورٹ اینڈامیگریشن ، سی ڈی اے ون ونڈوجیسےشعبے بھی بند رہیں گے۔

fb-share-icon0
Tweet 20

Comments

comments

یہ بھی پڑھیں