site
stats
پاکستان

گجرات: اے ٹی ایم سے 80 سیکنڈ میں 27 لاکھ روپے لٹ گئے

گجرات: پنجاب کے شہر گجرات میں نجی بینک کے اے ٹی ایم کا ایک منٹ 20 سیکنڈ میں صفایا ہوگیا، دو ملزمان 27 لاکھ روپے لوٹ کر لے گئے۔

تفصیلات کے مطابق گجرات میں ایک انوکھی واردات ہوئی جہاں دو ملزمان بینک کی اے ٹی ایم (آٹو میٹڈ ٹیلر مشین) کو کھول کر اس میں سے 27 لاکھ روپے نکال کر فرار ہوگئے۔

خبر میں دی گئی ویڈیو میں دیکھا جاسکتا ہے کہ دو ملزمان اے ٹی ایم ایریا میں آئے، ایک نے ہیلمٹ پہنا ہوا تھا جب کہ دوسرا برقع میں تھا، ملزمان نے چابی سے مشین کھولی اور رقم نکال کر فرار ہوگئے، اس عمل میں انہیں محض ایک منٹ 20 سیکنڈ لگے۔

ویڈیو دیکھیں:


فوٹیج کے مطابق یہ واردات 6 جون کی رات 12 بج کر 54 منٹ پر ہوئی جس میں دیکھا جاسکتا ہے کہ ویڈیو کے مطابق انہوں نے مشین کا لاک نہیں توڑا بلکہ ان کے پاس مشین کی چابی موجودتھی۔
بینک انتظامیہ نے کیشیئر اور آپریشن منیجر کو ملزم نامزد کردیا ہے، انتظامیہ کا الزام ہے کہ ان دونوں ملازمین نے ملزمان کو لاکر کی چابی اور کوڈ دیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top