لاہور: گجرپورہ زیادتی کیس میں متاثرہ خاتون نے بیان ریکارڈ کرانے سے انکار کردیا اور کہا اس کیس میں مزید کارروائی نہیں کرنا چاہتی۔
تفصیلات کے مطابق گجرپورہ زیادتی کیس میں پولیس کی تحقیقات جاری ہے ، پولیس نے متاثرہ خاتون کا بیان ریکارڈ کرنے کیلئے رابطہ کیا تو خاتون اور ان کے اہل خانہ نے بیان دینے سے معذرت کرلی ہے۔
متاثرہ خاتون نے کہا کہ اس کیس میں مزید کارروائی نہیں کرنا چاہتی اور نہ ہی خاتون شناختی پریڈ کیلئے سامنے آنے کیلئے تیار ہیں۔
یاد رہے وزیرقانون نے وزیراعلیٰ کوکیس سےمتعلق تحقیقات سے آگاہ کرتے ہوئے کہا کیس میں بہت مثبت پیشرفت ہو چکی ہے، ڈی این اےمیچنگ سمیت اہم شواہدمل چکےہیں، متاثرہ خاتون سےسینئرخواتین پولیس افسررابطےمیں ہے، چندگھنٹےمیں کیس کےحوالےسےبڑابریک تھروسامنےآجائےگا۔
ذرائع کا کہنا ہے کہ پنجاب پولیس نے گزشتہ روز مرکزی ملزم کو گرفتارکیا تھا جبکہ ایک ملزم کا ڈی این اے بھی میچ ہوچکا ہے۔
خیال رہے بدھ کی رات تین بجےکےقریب گجر پورہ میں خاتون سے اجتماعی زیادتی کاواقعہ پیش آیا تھا ، خاتون بچوں کے ساتھ سفر کررہی تھی ، پٹرول ختم ہونے پر گاڑی بند ہوگئی، اس دوران دوملزم کھڑی گاڑی کا شیشہ توڑ کرخاتون کوقریبی جھاڑیوں میں لے گئے اور بچوں کے سامنے زیادتی کا نشانہ بنایا تھا، ملزمان نےایک لاکھ نقدی اورزیورات بھی لوٹ لیے تھے۔
ابتدائی تفتیش میں پتہ چلا کہ خاتون کو زیادتی سے پہلے ڈنڈوں سے تشدد کا نشانہ بنایا گیا تھا۔
