عمران خان کو انڈہ مارنے والے کیلئےایک لاکھ روپے انعام کا اعلان -
The news is by your side.

Advertisement

عمران خان کو انڈہ مارنے والے کیلئےایک لاکھ روپے انعام کا اعلان

گوجرانوالہ : پی ٹی آئی کے رائیونڈ مارچ کو روکنے کی تیاریاں تیز کردی گئی ہیں، نواز لیگ کے کارکنان نے انڈے اور ٹماٹروں سے حملے کرنے کی تربیت لینا شروع کردی۔ عمران خان کو انڈہ مارنے والے کیلئےایک لاکھ روپے انعام کا اعلان کیا گیا ہے۔

تفصیلات کے مطابق لیگی کارکنوں نے رائے ونڈ مارچ روکنے کیلئے کمر کس لی، کھلاڑیوں کی بلّا فورس کے جواب میں ن لیگ کے متوالے انڈے اور ٹماٹروں سے لیس ہوگئے۔

نواز لیگ کے کارکنان نے چارپائی پر انڈے اور ٹماٹر رکھ کر پی ٹی آئی کا علامتی جنازہ بھی نکالا۔ گوجرانوالہ کے متوالوں نے پی ٹی آئی اور عمران خان کیخلاف شدید نعرے بازی بھی کی۔

پنجاب ن لیگ یوتھ ونگ کے صدر ولید بٹ نے اعلان کیا ہے کہ جو کارکن عمران خان کے منہ کا نشانہ لے کر ان کو انڈہ یا ٹماٹر مارے گا اس کو ایک لاکھ روپے کیش انعام دیا جائے گا۔

اس موقع پر عمران خان کے پتلے پر انڈے اور ٹماٹر مار کر کارکنان کو تربیت بھی دی گئی۔

 

Comments

comments

یہ بھی پڑھیں