The news is by your side.

Advertisement

گوجرانوالہ : ڈاکٹروں کی مبینہ غفلت نے چار ماہ کی بچی کی جان لے لی

گوجرانوالہ : ڈاکٹرز کی مبینہ غفلت کے باعث چار ماہ کی بچی جاں بحق ہو گئی, ورثاء نے ڈسٹرکٹ ہسپتال کے باہر احتجاجی مظاہرہ کیا۔

تفصیلات کے مطابق باغبانپورہ کے علاقہ کولہو والا کے رہائشی محنت کش شمائل کی چار ماہ کی بیٹی ابیحہ کو معمولی بخار کے باعث ڈسٹرکٹ ہیڈ کوارٹر ہسپتال لایا گیا ، جہاں پر ڈاکٹرز کی جانب سے مبینہ غفلت اور لا پرواہی برتنے پر بچی جاں بحق ہو گئی۔

بچی کے لواحقین نے ڈسٹرکٹ ہیڈ کوارٹر ہسپتال کے باہر احتجاج کرتے ہوئے ڈاکٹرز اورسیکیورٹی کے عملہ کے خلاف شدید نعرے بازی کی۔

لواحقین کا کہنا تھا کہ معمولی بخار میں مبتلا بچی کو ہسپتا ل لایا گیا تھا جس کے بعد ڈاکٹرز نے ایک انجکشن لگا کر تمام اہل خانہ کو کمرے سے باہر نکال دیا ۔

دو گھنٹے بعد جب بچی کا والد کمرے میں داخل ہوا تو بچی جاں بحق ہو چکی تھی، جس کے بعد ہسپتال کے عملہ نے سیکیورٹی گارڈ کی مدد سے انہیں دھکے دے کر ہسپتال سے باہر نکال دیا ۔

دوسری طرف واقعہ کی اطلاع ملنے پر تھانہ باغبانپورہ پولیس نے موقع پر پہنچ کر واقعہ کی تحقیقات شروع کر دی ہیں۔

 

Comments

comments

یہ بھی پڑھیں