تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

گوجرانوالہ، ڈی ایچ کیو اسپتال کے ٹراما سینٹر میں چوہا گھس گیا

گوجرانوالہ: صوبہ پنجاب کے شہر گوجرانوالہ کے ڈی ایچ کیو اسپتال کے ٹراما سینٹر میں چوہا گھس گیا، چوہے نے سیکیورٹی گارڈ کو تگنی کا ناچ نچا دیا۔

تفصیلات کے مطابق گوجرانوالہ کے ڈی ایچ کیو اسپتال کے تراما سینٹر میں چوہا گھس گیا، چوہا ڈاکٹر کی میز اور مریضوں کے بستروں پر ایک گھنٹے تک بھاگتا رہا، سیکیورٹی گارڈ چوہے کو پکڑنے میں ناکام رہے۔

نمائندہ اے آر وائی نیوز غلام فرید کے مطابق ڈسٹرکٹ اسپتال میں چوہوں کی بھرمار ہے، چوہے نے پورے اسپتال میں موجود عملے اور مریضوں کو پریشان کرکے رکھ دیا، سیکیورٹی گارڈ نے چوہے کو پکڑنے کی کوشش کی مگر وہ بھی ناکام رہا۔

ڈی ایچ کیو اسپتال میں چوہوں کی بھرمار ہے بڑی تعداد میں چوہے موجود ہوتے ہیں مگر انہیں تلف کرنے کے لیے کسی جانب سے کوئی اقدام نہیں اُٹھایا جاتا ہے۔

مزید پڑھیں: پارلیمنٹ ہاؤس میں‌ چوہا پکڑنے کا معاوضہ 900 روپے

واضح رہے کہ دو سال قبل پارلیمنٹ ہاؤس میں بھی چوہوں کی بھرمار تھی جس کے خلاف مہم چلائی گئی تھی اور چوہے پکڑنے کا معاوضہ 900 روپے دینے کا اعلان کیا گیا تھا جس کے بعد ساڑھے چار سو چوہے پکڑے گئے تھے۔

خیال رہے کہ کراچی ایئرپورٹ پر بھی چوہوں کا راج ہوگیا تھا اور وہ ہر جگہ دندناتے پھرتھے تھے، ایئرپورٹ پر واقع مسافروں کے گمشدہ سامان رکھنے والی جگہ پر چوہوں کی بھرمار کی وجہ سے وہاں رکھے سامان کو نقصان پہنچانے لگے تھے۔

Comments

- Advertisement -