گوجرانوالہ:باپ نےغیرت کےنام پر بیٹی کوموت کےگھاٹ اتار دیا -
The news is by your side.

Advertisement

گوجرانوالہ:باپ نےغیرت کےنام پر بیٹی کوموت کےگھاٹ اتار دیا

گوجرانوالہ: ایک اور لڑکی پسند کی شادی کی بھینٹ چڑھ گئی، گوجرانوالہ میں باپ نے غیرت کے نام پر بیٹی کو موت کے گھاٹ اتار دیا، ماں، باپ اور بہن بھائی کیخلاف مقدمہ درج کر لیا گیا ہے۔

تفصیلات کے مطابق گوجرانوالہ میں اندوہناک سانحہ پیش آیا، غیرت کے نام پر ایک اور لڑکی کو اس کے گھر والوں نے قتل کردیا، تھانہ اروپ کے علاقے بٹرانوالی میں تین سال قبل مقدس نامی لڑکی نے علاقے کے رہائشی شفیق نامی شخص سے پسند کی شادی کی، اہلخانہ کو اس بات کا بہت رنج تھا۔

پولیس کے مطابق لڑکی کے باپ بشیر ے مقدس کو صلح کے لیے گھر بلایا اور بعد میں تیز دار آلہ سے قتل کر کے فرار ہوگیا، مقتولہ کے دیور ادریس کا کہنا تھا کہ مقدس کو زبردستی لے کر گئے اور ماردیا۔

پولیس نے لڑکی کے والد بشیر ،ماں آمنہ، بہن صدف اور بھائی علی سمیت پانچ افراد کیخلاف مقدمہ درج کرکے ایک ملزم شعیب کو گرفتار کرلیا ہے، پولیس کا کہنا ہے کہ دیگر ملزمان کو جلد ہی گرفتار کرلیا جائے گا۔

Comments

comments

یہ بھی پڑھیں