گوجرانوالہ: معذور بچے کے علاج کی آڑ میں جعلی پیر نے ایک ہی خاندان کے کئی افراد کو مضر صحت دودھ پلایا اور خود فرار ہوگیا.
تفصیلات کے مطابق ڈیلٹا روڈ کے رہائشی محمد زاہد نے اپنے چھ سالہ معذور بچے مبین کے علاج کے لیے حافظ نوید نامی پیر کو گھر بلایا، پیر نے اپنے جعلی عملیات کے بعد گھر والوں کو دودھ پھونک کر پینے کو دیا، دودھ پیتے ہی خواتین اور بچوں سمیت نو افراد پر بے ہوشی طاری ہوگئی۔
اہل خانہ کے بے ہوش ہوتے ہی جعلی پیر دس ہزار نقدی اور قیمتی سامان لوٹ کر فرار ہو گیا۔
- Advertisement -
واقع کی اطلاع ملتے ہی ریسکیو ون ون ٹو نے تمام افراد کو طبی امداد کے لیے سول ہسپتال منتقل کردیا اور پولیس نے بھی واقعے کی تحقیقات شروع کردی ہے۔
