The news is by your side.

Advertisement

ڈکیتی مزاحمت پر پاکستانی نژاد کینیڈین خاتون کا قتل

گوجرانولہ : تحصیل وزیرآباد میں ڈکیتی مزاحمت پر پاکستانی نژادکینیڈین خاتون کو قتل کردیا گیا، پولیس نے مقدمہ درج کرکے تحقیقات کا آغاز کردیا ہے۔

تفصیلات کے مطابق گوجرانولہ کی تحصیل وزیرآباد میں واردات کے دوران مزاحمت کرنے پر ڈاکوؤں کی فائرنگ سے پاکستانی نژاد کینیڈین خاتون جاں بحق ہوگئیں۔

پولیس کا کہنا ہے کہ واقعہ تھانہ احمد نگرکےعلاقہ میں گل والاکے قریب پیش آیا، خاتون شوہر کے ساتھ گاؤں حسن والی جارہی تھی کہ
راستے میں دو مسلح موٹر سائیکل سوار ڈاکووں نے کار کو روکا۔

واردات کے دوران ملزمان نے موبائل چھننے کی کوشش کی تاہم موبائل دینے سے انکار پر ڈاکوؤں نے مبینہ طور پر فائرنگ کرکے خاتون کو قتل کردیا اور تین لاکھ روپے مالیت کا موبائل فون اور نقدی چھین کر فرار ہوگئے۔

پولیس نے مقدمہ درج کرکے تحقیقات کا آغاز کردیا ہے، ردا شہزاد ،اپنے شوہر اور بچے کے ساتھ چھٹیاں گزارنے دو ہفتے قبل پاکستان آئی تھی۔

Comments

یہ بھی پڑھیں