The news is by your side.

Advertisement

گوجرانوالہ : پنچایت کا فیصلہ : بہنوئی اورسالی پربہیمانہ تشدد

گوجرانوالہ : سالی کے ساتھ ناجائز تعلقات رکھنے پر محلے داروں نے پنچایت لگا کر فیصلہ سناتے ہوئے محنت کش کا منہ کالا کرکے جوتوں سے پٹائی کردی ، پولیس نے موقع واردات سے سات افراد کو حراست میں لے لیا۔

تفصیلات کے مطابق شہباز کالونی کے رہائشی عاصم کی شادی پانچ سال قبل سندس نامی خاتون کے ساتھ ہوئی جو اب تین بچوں کی ماں ہے۔ اس دوران عاصم نے اپنی سالی سنبل کے سا تھ بھی غیر اخلاقی مراسم قائم کر کے اسے بھی اپنے ساتھ رکھا ہوا تھا۔ اس بات کا علم ہونے پر محلے داروں نے متعدد بار عاصم کو خبردار کیا لیکن اس پر کو ئی اثر نہ ہو۔

اس حوالے سے جند محلے دار اکٹھے ہو کر امام مسجد کے ہمراہ عاصم کے گھر پہنچے جہاں پر انہوں نے عا صم اور اس کی سا لی سنبل کو گھر سے باہر نکالا اور دو نو ں کو گلی میں بٹھا کر پنچا ئیت لگالی۔

اس دوران عاصم کی جانب سے اعتراف جرم کرنے پر محلہ داروں نے دونوں کا منہ کالا کر دیا جبکہ وہاں سے گزرنے والی خواتین اور مرد عاصم اور سنبل کی جوتو ں سے پٹائی بھی کر تے رہے۔

واقعہ کی اطلاع ملنے پر پولیس نے موقع پر پہنچ کر عاصم اور سنبل کو اپنی تحویل میں لے کر تھانے منتقل کردیا جبکہ ان کا منہ کالا کرنے اور تشدد کا نشانہ بنانے کے الزام میں مجید، ناظم شاہ، طاہر محمود، ریان اور ناصر سمیت سات محلہ داروں کو بھی حراست میں لے لیا ہے۔

Print Friendly, PDF & Email

Comments

comments

یہ بھی پڑھیں