گوجرانوالہ : محبوبہ کی فرمائش نے عاشق کو ڈکیت بنا دیا، ملزمان گرفتار، اسلحہ و نقدی برآمد -
The news is by your side.

Advertisement

گوجرانوالہ : محبوبہ کی فرمائش نے عاشق کو ڈکیت بنا دیا، ملزمان گرفتار، اسلحہ و نقدی برآمد

گوجرانوالہ : محبوبہ کی فرمائش نے عاشق کو ڈکیت بنا دیا، پولیس نے ملزمان کو  ڈرامائی انداز میں گرفتار کرکے لوٹا گیا سامان، نقدی اور اسلحہ برآمد کرلیا۔

تفصیلات کے مطابق گوجرانوالہ کے علاقے گرجاکھ کے رہائشی نوجوان شاہد کی اپنی محلہ دار لڑکی سے دوستی ہوئی، مذکورہ لڑکی نے شاہد سے اسمارٹ فون کا تحفہ مانگا۔

قیمتی موبائل فون خریدنے کی مطلوبہ رقم نہ ہونے پرشاہد نے اپنے کزن سے مل کر پڑوسی کے گھرمیں ڈکیتی کا پلان بنایا، ڈکیتی کے دوران ملزمان نے گھر میں گھس کر اہل خانہ کو اسلحہ کے زور پر یرغمال بنالیا اور نقدی، موبائل فون اور دیگر قیمتی سامان لے کر فرار ہوگئے۔

پولیس نے مقدمہ درج کرنے کے بعد کارروائی کا آغاز کیا تو ملزمان کی بے وقوفی نے انہیں اپنے انجام تک پہنچا دیا، پولیس کے مطابق ملزم نے ڈکیتی کے دوران چھینا جانے والا موبائل فون لڑکی کو تحفہ میں دیا تھا، جس کی لوکیشن کو ٹریس کرکے پولیس باآسانی ملزمان تک پہنچ گئی۔

ڈی ایس سی آئی اے نے صحافیوں کو بتایا کہ ملزمان موبائل لوکیشن کے ذریعے پکڑے گئے ہیں، پولیس نے ملزمان کے قبضے سے اسلحہ، ایک لاکھ روپے، واردات میں استعمال ہونے والی موٹرسائیکل اور موبائل فون برآمد کرلیا۔

Comments

comments

یہ بھی پڑھیں