The news is by your side.

Advertisement

تحریک انصاف کے امیدوار برائے چیئرمین یونین کونسل میاں بابر اقبال ایڈووکیٹ اغواء

گوجرانوالہ: تحریک انصاف کے امیدوار برائے چیئرمین یونین کونسل اور ڈسٹرکٹ بار کے رکن میاں بابر اقبال ایڈووکیٹ کو اغوا کر لیا گیا، جائے وقوعہ سے مغوی کی گاڑی پولیس کو مل گئی.

تفصیلات کے مطابق تھانہ جناح کے علاقہ رتہ باجوہ کا رہائشی میاں بابر اقبال جو کہ یونین کونسل نمبر13سے تحریک انصاف کی ٹکٹ پر چیئرمین کا الیکشن لڑرہے ہے، گزشتہ رات کو اپنی انتخابی مہم کے لیے گھر سے نکلے تو رات گئے تک گھر واپس نہ آئے۔

جس کے بعد انکی گاڑی صبح بورڈ آف انٹر میڈیٹ اینڈ سیکنڈری ایجوکیشن کمپلیکس کے باہر سے پولیس کو مل گئی لیکن مغوی میاں بابر اقبال کا کچھ نہ معلوم ہو سکا۔

میاں بابر کے بھائی حافظ جمیل کا کہنا تھا کہ ان کے بھائی کو مخالف امیدوار وقار چیمہ اور لیگی امیدوار شیخ ناصر نے اغواء کیا ہے، ہمیں انصاف چاہیے پولیس ہمارے بھائی کو فورا بازیاب کروائے۔

پولیس کا کہنا ہے کہ واقعہ کی تحقیقات شروع کردی گئی ہیں۔

Print Friendly, PDF & Email

Comments

comments

یہ بھی پڑھیں