The news is by your side.

Advertisement

گوجرانوالہ : نوجوان نے غیرت کے نام پر بہن اور دادی کو قتل کردیا

گوجرانوالہ : نوجوان نے غیرت کے نام پر بہن اور دادی کو قتل کردیا، واقعے میں ملزم کی دوسری بہن زخمی ہو گئی، ملزم واردات کے بعد فرار ہونے میں کامیاب ہوگیا۔

تفصیلات کے مطابق گوجرانوالہ کے علاقے تھانہ قلعہ دیدار سنگھ میں غیرت کے نام پر دہرے قتل کی واردات میں بھائی سفیان نے بہن اور دادی کو تشدد کے بعد فائرنگ کرکے قتل کردیا۔

ملزم نےاپنی 17 سالہ بہن اقراء اور 18 سالہ سدرہ پر ڈنڈوں سے شدید تشدد کیا، بعد ازاں ان پر فائرنگ کردی، اسی دوران دادی اپنی پوتیوں کو بچاتے ہوئے فائرنگ کی زد میں آگئی جس کے نتیجے میں دادی پوتی دونوں جاں بحق ہوگئیں جبکہ ملزم کی 18سالہ بہن سدرہ کو شدید زخمی حالت میں ہسپتال منتقل کردیا گیا جہاں اس کی حالت تشویشناک بتائی جارہی ہے۔

مزید پڑھیں: فیصل آباد میں باپ نے غیرت کے نام پر بیٹی کو قتل کر دیا

پولیس کا کہنا ہے کہ ملزم سفیان نے غیرت کے نام پر پہلے دو بہنوں اور دادی کو ڈنڈے مار ے پھر گولیاں برسادیں، پولیس نے دہرے قتل کا مقدمہ درج کرکے تفتیش کا آغاز کردیا ہے جب کہ ملزم کی تلاش کا عمل جاری ہے۔

مزید پڑھیں: فیصل آبادمیں غیرت کے نام پر بھائی نے بہن کو قتل کر دیا


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔

Comments

comments

یہ بھی پڑھیں