گجرات : صوبہ پنجاب کے شہر گجرات میں ایک شخص نے اپنے ہی خاندان کے 5 افراد کو قتل کرکے خودکشی کرلی۔
تفصیلات کے مطابق گجرات کے علاقے بھدر میں مبشربٹ نامی شخص نے اپنی بیٹی، بھتیجی، بھابھی اور دو بھتیجوں کو قتل کرنے کے بعد خودکشی کرلی۔
افسوس ناک واقعے کی اطلاع ملنے پرپولیس فوری طور پرجائے وقوعہ پر پہنچی اور لاشوں کو تحویل میں لے کراسپتال منتقل کردیا۔
پولیس کے مطابق مرنے والوں کی شناخت مقدس بی بی ، مناحل، زین، فاطمہ اور ہاشر کے نام سے ہوئی ہیں۔
پولیس حکام کا کہنا ہے کہ واقعے کی تحقیقات کا آغاز کردیا گیا ہے تاہم تفتیش کے بعد واقعے کی اصل وجوہات سامنے آئیں گی۔
صادق آباد: ماں نے 2 بچوں کوزہردے کرخودکشی کرلی
خیال رہے کہ رواں ماہ 6 مارچ کو صوبہ پنجاب کے شہر صادق آباد میں ماں نے 2 بچوں کو زہر دے کر خودکشی کرلی تھی۔
خاتون کے خاوند کا کہنا تھا کہ وہ اپنی بیوی کے ساتھ بیوی کے ماں باپ کے گھر میں مقیم تھا وقوعہ کے وقت گھر میں کوئی بھی بڑا موجود نہیں تھا۔
یاد رہے کہ 5 نومبر2017 کو جڑانوالہ کی رہائشی ریما نے اپنے شوہر فرحان سے گھریلو جھگڑے کے بعد طیش میں آکر مبینہ طور پر اپنی دو بچیوں کو زہریلی دوا پلا کر خود بھی اپنی زندگی کا خاتمہ کرلیا تھا۔
لیہ میں باپ نے 5بچوں کو زہردے کرخودکشی کرلی
واضح رہے کہ گزشتہ سال 27 اپریل کو پنجاب کے شہر لیہ میں باپ نے اپنے بچوں کو زہردے کرخود بھی زہرکھا لیا تھا جس کے نتیجے میں 5 بچے اورباپ جاں بحق ہوگئے تھے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
