کراچی : ڈپٹی میئر کراچی سلمان عبداللہ مراد نے کہا ہے کہ گل پلازہ کی آگ بجھانے کیلیے فائر ٹینڈرز کی تعداد ناکافی تھی۔
اے آر وائی نیوز کے پروگرام الیونتھ آور میں گفتگو کرتے ہوئے انہوں نے بتایا کہ بیسمنٹ میں آگ لگی تو گراؤنڈ فلور کو بھی پتہ چل گیا مگر دوسری، تیسری منزل والوںکو علم ہی نہیں تھا، بلاول بھٹو نے اسی رات کو نوٹس لیا اور وزیراعلیٰ سندھ کو ہدایات دی تھیں۔
ڈپٹی میئر کا کہنا تھا کہ کراچی میں اس وقت فائرٹینڈرز ناکافی ہیں مزید منگوائے جائیں گے، 2021میں فنڈز کی کمی کی وجہ سے فائر ٹینڈرز کی آمد میں تاخیر ہوئی ہوگی۔
انہوں نے بتایا کہ آج سبزی منڈی میں آگ لگی تو اطلاع ملتے ہی فائربریگیڈ فوری طور پر وہاں پہنچ گئی تھی ،
گل پلازہ سانحہ پر ہم سب کو ایک ہونا چاہیے شہریوں کو بھی اداروں کا ساتھ دینا ہوگا۔
گل پلازہ آتشزدگی سے متعلق تمام خبریں پڑھنے کیلیے یہاں کلک کریں
سلمان مراد کا مزید کہنا تھا کہ کوئی بھی غلطی یا کوتاہی ہوئی تو اس پر ایکشن لیا جائے گا، کسی ادارے یا انتظامیہ کی غلطی ہو تو حکومت سخت کارروائی کرے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں