کراچی (19 جنوری 2026): میئر کراچی مرتضیٰ وہاب نے گل پلازہ آتشزدگی کے دوران شہید ہونے والے فائر فائٹر فرقان علی کے لواحقین کیلیے مالی معاونت کا اعلان کیا ہے۔
میئر کراچی شہید فائر فائٹر فرقان علی کی رہائش گاہ پہنچے اور اہل خانہ سے تعزیت کی۔ مرتضیٰ وہاب نے اس موقع شہید کے لواحقین کیلیے 1 کروڑ روپے کی مالی معاونت کا اعلان کیا۔
گل پلازہ آتشزدگی سے متعلق تمام خبریں پڑھنے کیلیے یہاں کلک کریں
انہوں نے کہا کہ فرقان علی نے بہادری سے ریسکیو آپریشن انجام دے کر قومی خدمت کی نئی مثال قائم کی، کے ایم سی شہید فائر فائٹر کی بیوہ کو ملازمت فراہم کرے گی، ان کے بچے کے تمام تعلیمی اخراجات بھی برداشت کیے جائیں گے۔
ان کا کہنا تھا کہ ناظم آباد فائر اسٹیشن کا نام شہید فرقان کے نام سے منسوب کیا جائے گا، ریٹائرمنٹ سے متعلق تمام مالی فوائد اور تنخواہیں شہید کی بیوہ کو باقاعدگی سے ملتی رہیں گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں