گلاب جامن قومی مٹھائی قرار -
The news is by your side.

Advertisement

گلاب جامن قومی مٹھائی قرار

اسلام آباد: حکومت پاکستان  نے ’گلاب جامن‘ کو قومی مٹھائی قرار دے دیا۔

تفصیلات کے مطابق حکومت پاکستان کے آفیشل ٹویٹر اکاؤنٹ پر ایک پول کیا گیا جس میں صارفین سے پوچھا گیا کہ ’پاکستان کی قومی مٹھائی کون سی ہے؟‘۔ پول میں ’جلیبی، گلاب جامن اور برفی‘ کے آپشنز رکھے گئے تھے۔

ووٹنگ میں 15 ہزار 196 صارفین نے اپنی پسند سے متعلق آگاہ کیا۔ گلاب جامن کو 47 فیصد ووٹ ملے جبکہ جلیبی کو 34 فیصد اور برفی کو 19 فیصد ووٹ ملے۔

سب سے زیادہ ووٹ ملنے پر ’گلاب جامن‘ کو قومی مٹھائی کا اعزاز دیا گیا ساتھ ہی حکومت پاکستان کے آفیشل ٹویٹر اکاؤنٹ نے اس ضمن میں ایک ٹویٹ بھی کیا۔

گلاب جامن کے بارے میں کچھ معلومات

خوشی کا کوئی بھی موقع ہو یا کوئی بھی تہوار ہو منہ میٹھا کرنے کے لیے عام طور پر ہر گھر یا تقریب میں گلاب جامن کا ذکر ضرور ہوتا ہے۔

دیسی مٹھائیوں میں گلاب جامن نہایت اہمیت کا حامل سمجھا جاتا ہے، عید کا کوئی تہوار ہو یا پھر شادی کی تقریب غرض یہ کہ رزلٹ کی خوشی اور کسی کی آمد پر بھی یہ مٹھائی ہمارے درمیان ضرور موجود ہوتی ہے۔

دکان سے ملنے والی گلاب جامن کی لذت علیحدہ ہوتی ہے مگر دماغ اس پر کھٹکتا رہتا ہے کہ آیا یہ صحت کے اصولوں کو مدنظر رکھ کر بنائے گئے ہیں یا نہیں؟

شیرے سے تیار ہونے والی مزیدار مٹھائی کو بنانے میں پاؤڈر والا دودھ استعمال ہوتا ہے جبکہ اسے گھی میں بھی تلا جاتا ہے۔

گلاب جامن گھر میں تیار کرنے کا آسان طریقہ

اجزاء

سوکھا دودھ (پاؤڈر والا دودھ) 250 گرام

تازہ دودھ 170 گرام

گھی 50 گرام

سوجی 50 گرام

میدہ 75گرام

الائچی کے دانے

پھیٹا ہوا انڈے 2 عدد

بیکنگ سوڈا 2 چٹکی

زعفران ایک چٹکی

چینی ایک کلو گرام

پانی آدھا کلو گرام

گھی 1 کلو (فرائی کرنے کے لیے)

طریقہ کار

چولہے پر فرائی پان رکھ کر اُس میں پانی بھر کر چینی ڈال دیں اور اُس کا شیرا بنالیں۔

کھوئے میں مکس آٹے کو ڈالیں اور اُس میں بیکنگ سوڈا، الائچی، بادام، پستا، زعفران ڈالیں، اب تمام اشیاء کو گوند کر چھوٹی چھوٹی بالیں بنا لیں۔

مزید پڑھیں: بنگال نے رس گلے کا مقدمہ جیت لیا

فرائی پان میں گھی ڈال کر ان بالز کو تھوڑی دیر کے لیے چولہے پر چھوڑ دیں اور جب یہ اپنا کلر  تبدیل کر کے کتھی کلر اختیار کرلیں تو اسے برتن سے نکال کر شیرے میں ڈال دیں۔

دس پندرہ منٹ بعد اُسے میٹھے شیرےمیں سے نکالیں مزیدار گلاب جامن تیار ہیں۔

Comments

comments

یہ بھی پڑھیں