کراچی (18 ستمبر 2025): شہر قائد کے علاقے گلبرگ میں ڈاکو سنار سے ایک کروڑ 20 لاکھ روپے لوٹ کر فرار ہو گیا۔
تفصیلات کے مطابق گلبرگ تھانے کی پولیس کا کہنا ہے کہ کریم آباد میں سنار کی دکان کے مالک نے اپنے ملازم تنویر کو رقم لینے صدر بھیجا، ملازم صدر سے ایک کروڑ بیس لاکھ روپے موٹر سائیکل کی ٹنکی پر رکھ کر آ رہا تھا کہ ڈاکوؤں نے واردات کر ڈالی۔
پولیس کے مطابق کریم آباد پل پر موٹر سائیکل سوار 2 ڈاکو تنویر سے رقم چھین کر فرار ہوئے، پولیس کا کہنا ہے کہ سنار دانیال نے انتہائی غفلت کا مظاہرہ کیا جس کے باعث رقم لوٹی گئی، پولیس نے مدعی کا بیان ریکارڈ کر لیا ہے اور مقدمہ درج کیا جا رہا ہے۔
دوسری طر کراچی کے علاقے سائٹ اے میں پولیس نے ایک کارروائی میں شہری کو لوٹ کر فرار ہونے والے ڈکیتوں کو گرفتار کر لیا، ملزمان سے اسلحہ، چھینا ہوا موبائل فون اور دیگر سامان برآمد ہوا، ایس ایس پی کیماڑی فیضان علی کے مطابق ملزمان شہری کو منگھوپیر روڈ کے قریب لوٹ کر فرار ہوئے۔
کراچی: شہری کو لوٹ کر فرار ہونیوالے ڈکیت پکڑے گئے
ایس ایس پی کیماڑی کے مطاق متاثرہ شخص نے فوری اطلاع علاقہ گشت پر مامور پولیس پارٹی کو دی، جس پر پولیس نے ملزمان کا تعاقب کر کے حبیب بینک چوک پر دھر لیا، ملزمان کی شناخت سعید اور عبد الرحمان کے ناموں سے ہوئی ہے، ملزمان اس سے قبل بھی پولیس مقابلہ سمیت ڈکیتی و دیگر مقدمات میں گرفتار ہو کر جیل جا چکے ہیں۔
ادھر کراچی میں تھانہ جوہرآباد کی حدود میں پولیس مقابلے میں ایک ڈاکو ہلاک اور ایک زخمی ہو گیا ہے، ایس ایس پی سینٹرل کے مطابق ملزمان شہری کو لوٹ رہے تھے، اہلکاروں کو دیکھ کر فائرنگ کر دی، ہلاک ڈاکو کی شناحت محمد فیاض اور زخمی کی خرم منیر کے نام سے ہوئی، ملزمان سے اسلحہ اور موٹر سائیکل برآمد ہوئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں