The news is by your side.

Advertisement

سابق افغان وزیراعظم گلبدین حکمت یار پاکستان پہنچ گئے

اسلام آباد : سابق افغان وزیراعظم گلبدین حکمت یار پاکستان پہنچ گئے ، حکمت یار 3 روزہ دورے میں صدر مملکت اور وزیراعظم سے ملاقاتیں کریں گے ، جس میں افغان امن عمل،پاک افغان تعلقات پرتبادلہ خیال کیا جائے گا۔

تفصیلات کے مطابق افغانستان کے سابق وزیراعظم اور حزب اسلامی کے سربراہ گلبدین حکمت یار تین روزہ دورے پر پاکستان پہنچ گئے، دورے کے دوران گلبدین حکمت یار صدر مملکت عارف علوی ، وزیر اعظم  عمران خان اور اسپیکر قومی اسمبلی سمیت سیاسی و عسکری قیادت سے ملاقاتیں کریں گے۔

ملاقاتوں میں افغان امن عمل پاک افغان تعلقات سمیت خطے کی صورتحال پر تبادلہ خیال کیا جائے گا۔ گلبدین حکمت یار تھنک ٹینک سے خطاب اور میڈیا کے نمائندوں سے تبادلہ خیال بھی کریں گے۔

ترجمان وزارت خارجہ زاہد حفیظ چوہدری نے بتایا کہ گلبدین حکمت یار کا یہ دورہ افغان امن عمل اور پاک افغانستان باہمی تعلقات کو مضبوط بنانے کیساتھ عوامی رابطوں پر تبادلہ خیال کا موقع فراہم کرے گا۔

افغانستان کیلئے پاکستان کے نمائندہ خصوصی محمد صادق نے سماجی رابطے کی ویب سائٹ ٹویٹر پر اپنے بیان میں لکھا کہ افغانستان کے سابق وزیراعظم گلبدین حکمت یار تین روزہ دورے پر پیر کو پاکستان پہنچیں گے، ان کا یہ دورہ 19 سے 21 اکتوبر تک ہو گا۔

Comments

یہ بھی پڑھیں