The news is by your side.

Advertisement

افغان عبوری حکومت، گلبدین حکمت یار کا اہم اعلان

کابل: حزب اسلامی کے امیر گلبدین حکمت یار نے افغان عبوری حکومت کی حمایت کا اعلان کر دیا۔

تفصیلات کے مطابق گلبدین حکمت یار نے ایک بیان میں طالبان عبوری حکومت کی حمایت کا اعلان کرتے ہوئے کہا ہے کہ حزب اسلامی نئی افغان حکومت کا ساتھ دے گی۔

گلبدین حکمت یار نے ہدایت کی کہ حزب اسلامی کے کارکنان اور رہنما عبوری حکومت سے تعاون کریں، کیوں کہ گزشتہ 5 دہائیوں میں پہلی بار ایک اچھی نمائندہ کابینہ تشکیل دی گئی ہے۔

سربراہ حزب اسلامی نے طالبان کو مشورہ دیا کہ وہ تمام ممالک کے ساتھ سفارتی تعلقات ضرور قائم کریں، اور عبوری انتظامیہ افغانستان کے عوام کا مفاد مقدم رکھے۔

یاد رہے کہ اس سے قبل 21 اگست کو افغانستان کے سابق وزیر اعظم اور حزب اسلامی کے رہنما گلبدین حکمت یار نے طالبان رہنما خلیل الرحمان حقانی سے ملاقات میں طالبان حکومت کی حمایت کا عندیہ دیا تھا۔

واضح رہے کہ افغانستان کی نئی حکومت کی تقریب حلف برداری ملتوی کر دی گئی ہے، ادھر امریکا نے افغان حکومت کی مدد جاری رکھنے کا اعلان کیا ہے، ترجمان محکمہ خارجہ نے گزشتہ روز کہا کہ نئی افغان حکومت کے ساتھ تعلقات کا جائزہ لے رہے ہیں۔

انھوں نے کہا کہ افغان بینک کے منجمد 10 ارب ڈالرز کا معاملہ فیڈرل ریزرو دیکھ رہا ہے۔

Comments

یہ بھی پڑھیں