The news is by your side.

Advertisement

گل جی کا قتل کرنے والے 2 ملزمان کو 25 سال قید کی سزا

کراچی: معروف مصور اسمعٰیل گل جی کے قتل کا معمہ حل ہوگیا۔ قتل میں ملوث 2 ملزمان کو 25 سال کی سزا سنا دی گئی۔

تفصیلات کے مطابق ایس ایس پی فاروق اعوان کا کہنا ہے کہ معروف مصور گل جی، ان کی اہلیہ اور گھر میں موجود ملازمہ کے قتل کے مجرمان کو عدالت نے جرم ثابت ہونے پر 25 سال قید کی سزا سنا دی۔

ایس ایس پی کے مطابق ملزمان اکرم اور انوار کو سنہ 2007 میں ایس آئی یو نے گرفتار کیا تھا۔ گل جی کو قتل کرنے والے ان کے اپنے ہی گھر کے ملازم تھے جن میں ان کا ڈرائیور بھی شامل ہے۔

پولیس کے مطابق ملازمین قتل کی واردات کے بعد گھر سے قیمتی مالیت کے فن پارے چوری کر کے لے گئے تھے۔

یاد رہے کہ سنہ 2007 میں گل جی، ان کی اہلیہ اور گھر میں موجود ایک ملازمہ کو رات سوتے میں قتل کردیا گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں