کراچی : گلشن اقبال میں پولیس نے سرچ آپریشن کرتے ہوئےاڑتیس مشتبہ افراد کو گرفتار کرکے اسلحہ اور منشیات برآمد کرلی۔
تفصیلات کے مطابق شہر قائد کے مختلف علاقوں میں پولیس نے ٹارگٹڈ آپریشن کرتے ہوئے اڑتیس مشتبہ افراد کوگرفتارکرلیا۔
ایس پی گلشن اقبال عابد قائمخانی نے بتایا کہ جرائم پیشہ افراد کی موجودگی کی اطلاع پر گلشن کے علاقے شیر پاؤ بستی،درویش کالونی اور بہادرآباد میں پولیس کا ٹارگٹڈ آپریشن کیا گیا۔
زیر حراست افراد میں پانچ جرائم پیشہ اور مفرور ملزمان بھی شامل ہیں جن سے اسلحہ ، منشیات،شراب اورچھینی ہوئی موٹر سائیکلیں برآمدکی گئیں۔
گرفتار ملزمان کو تفتیش کے لئے نامعلوم مقام پر منتقل کر دیا گیا ہے، ادھر ماڑی پور کے علاقے مشرف کالونی سے ایک شخص کی لاش ملی جسے ضابطے کی کاروائی کیلئے سول اسپتال منتقل کردیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں