گلشن اقبال میں پانچ منزلہ عمارت ٹیڑھی ہوگئی، گرانے کا فیصلہ -
The news is by your side.

Advertisement

گلشن اقبال میں پانچ منزلہ عمارت ٹیڑھی ہوگئی، گرانے کا فیصلہ

کراچی : راشد منہاس روڈ سے متصل ملینیم مال کے قریب پانچ منزلہ عمارت دراڑیں پڑنے کے باعث ٹیڑھی ہوچکی ہے ، جس کے بعد عمارت کے مکینوں نے بلڈنگ کو خالی کردیا ہے ۔ جبکہ مذکورہ عمارت کو گرانے کا فیصلہ کر لیا گیا ہے۔

تفصیلات کے مطابق کراچی کے علاقے گلشن اقبال میں رہائشی عمارت میں دراڑیں پڑ گئیں جس کے بعد عمارت کو خالی کرادیا گیا ۔

جبکہ کمشنر کراچی نے واقعے کی تحقیقات کا حکم دیدیا ہے اور اس بات کا جائزہ لیا جارہا ہے کہ عمارت میں دراڑیں کیسے پڑیں۔

ریسکیو حکام نے اطراف کی عمارتوں کو بھی خالی کرادیا ہے،واقعے کے بعد علاقہ مکینوں اور رہائشیوں میں خوف پایا جاتا ہے، تاہم کسی بھی قسم کے جانی نقصان کی کوئی اطلاع نہیں ہے۔

جبکہ فیصل کنٹونمنٹ بورڈ نے عمارت کو گرانے کا فیصلہ کیا ہے، علاوہ ازیں فیصل کنٹونمنٹ بورڈ کے سی ای او فیصل تنویر نے میڈیا سے گفتگو کرتے ہوئے بتایا کہ عمارت کی چار منزلہ اجازت تھی پانچویں منزل کی غیر قانونی طور پر تعمیر کی گئی تھی۔

دراڑیں پڑنے کے بعد عمارت کو خالی کرادیا گیا ہے اور پرائیویٹ کنٹریکٹر کے ذریعے عمارت کو مرحلہ وار توڑا جائے گا تاکہ نقصان سے بچا جاسکے ۔

فیصل کنٹونمنٹ انتظامیہ کے مطابق عمارت کو 2011 میں سرٹیفائی کیا گیا تھا ، تاہم دراڑیں پڑنے کے واقعے کی تحقیقات کررہے ہیں۔

متاثرہ عمارت کے اطراف کے مکانوں اور فلیٹس کو خالی کرادیا گیا ہے ، جبکہ متاثرہ عمارت کے گیس اور بجلی کے کنکشنز منقطع کردیئے گئے ہیں۔

Comments

comments

یہ بھی پڑھیں