site
stats
سندھ

گلشن اقبال میں پھٹنے والی پائپ لائن کی مرمت تاحال نہ ہو سکی

کراچی : گلشن اقبال کراچی میں پھٹنےوالی پائپ لائنوں کی مرمت شروع بھی نہ ہوسکی۔ واٹربورڈ کی کارکردگی صفر ہی رہی ۔ مزدور چائے پی کر وقت گُزارتے رہے۔

تفصیلات کے مطابق کراچی واٹربورڈ کی اہلیت کاپول کھل گیا، گُلشن اقبال گلشن کے بجائے تالاب بن گیا ۔ایک دن گزرگیا پھٹنےوالی پائپ لائنوں کی مرمت تاحال شروع تک نہ ہوسکی۔

مطلوبہ مشینری موجود ہے مزدور بھی دستیاب ہیں لیکن کام رُکا ہوا ہے۔ مزدورسرد موسم میں چائے کی چسکیاں لیتے ہوئے شاید پکنک منارہے ہیں۔

ایم ڈی واٹربورڈ مصباح الدین فرید کے مطابق پائپ لائن کی مرمت میں مزید چھتیس گھنٹے لگیں گے ۔ واٹر بورڈ ذرائع کے مطابق پائپ لائن پھٹنےسے اب تک چھ کروڑ گیلن پانی ضائع ہوچکا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top