ارجنٹائن کی نائب صدر کرسٹینا فرنانڈیز قاتلانہ حملے میں بال بال بچ گئیں۔
حملہ آور نے نائب صدر پر پستول تان کر نشانہ لگایا لیکن خوش قسمتی سے گولی نہ چلی اور اپنے اقدام میں ناکام ہونے پر ملزم کو وہاں موجود لوگوں نے پکڑ لیا۔
یہ واقعہ دارالحکومت بیونس آئرس میں اس وقت پیش آیا جب نائب صدر اپنے حامیوں کے درمیان موجود تھیں۔ وہ عدالت سے جب گھر پہنچیں تو ان کے بڑی تعداد میں ان کے حامی وہاں موجود تھے۔
El video del arma contra @CFKArgentina pic.twitter.com/8j1xpMnPoe
— Lautaro Maislin (@LautaroMaislin) September 2, 2022
اسی اثنا میں ایک شخص نائب صدر کے قریب آیا اور بالکل چہرے کے سامنے پستول رکھ کر فائر کیا لیکن گولی نہ چلی اور اچانک صورتحال کو بھانپتے ہوئے لوگوں نے حملہ آور کو جکڑ کر کرسٹینا فرنانڈیز کو حصار میں لے لیا۔
بتایا گیا ہے کہ پستول میں 5 گولیاں موجود تھیں تاہم خوش قسمتی سے گولی فائر نہیں ہوئی اور نائب صدر بال بال بچ گئیں۔