کابل: افغانستان کے مشرقی صوبے ننگرہار میں مسلح افراد نے مسجد میں داخل ہوکر اندھا دھند فائرنگ کردی، جس کے نتیجے میں پانچ سگے بھائیوں سمیت ایک ہی خاندان کے 8 افراد جاں بحق ہوگئے۔
بین الاقوامی میڈیا رپورٹ کے مطابق ننگرہار کے شہر جلال آباد میں نامعلوم مسلح افراد نے مسجد میں داخل ہو کر اندھا دھند فائرنگ کی جس کے نتیجے میں 8 افراد جاں بحق ہوئے۔
میڈیا رپورٹ کے مطابق فائرنگ سے جاں بحق ہونے والے تمام افراد کا تعلق ایک ہی خاندان سے ہے، جن میں پانچ سگے بھائی بھی شامل ہیں۔
واقعہ کی اطلاع ملتے ہی افغان سیکورٹی فورسز نے علاقے کو گھیرے میں لےکر آپریشن شروع کردیا۔ پولیس نے ابتدائی تحقیقات کے بعد اس واقعے کو ذاتی دشمنی کا شاخسانہ قرار دیا۔
مزید پڑھیں: افغانستان، فوجی اڈے پر حملہ، اہلکاروں کی ہلاکتیں
افغان پولیس کے ترجمان کی جانب سے جاری ہونے والے بیان میں کہا گیا ہے کہ فائرنگ کا واقعہ زمین کی ملکیت سے متعلق تنازع پر پیش آیا، جس کی وجہ سے دو قبائل میں خونی تصادم ہوا۔ پولیس نے واقعے سے متعلق مزید تحقیقات شروع کردیں ہیں۔
