افغانستان کے دارالحکومت کابل میں نمازِ جمعہ کے بعد حزب اسلامی حکمت یار کے دفتر کی مسجد پر مسلح افراد نے حملہ کر دیا۔
ذرائع حزب اسلامی کے مطابق حملے کے وقت گلبدین حکمت یار مسجد میں موجود تھے، مسلح افراد کے حملے میں وہ محفوظ رہے۔
حملے میں گلبدین حکمت یار کا محافظ جاں بحق جبکہ جوابی کارروائی میں حملہ آور مارا گیا، فائرنگ کے دوران مسجد کے باہر کھڑی گاڑی میں دھماکا بھی ہوا۔
اب سے کچھ دیر قبل دارالحکومت کابل میں پاکستانی سفارتی حکام پر نامعلوم افراد نے فائرنگ کی جس کے نتیجے میں ایک گارڈ زخمی ہوگیا۔
ذرائع کے مطابق فائرنگ کے وقت ناظم الامور چہل قدمی کر رہے تھے، زخمی سکیورٹی گارڈ کو سینے میں تین گولیاں لگی ہیں، پاکستانی ناظم الامور و دیگر حکام کو وقتی طور پر واپس بلا لیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں