الماتے: قازقستان میں پولیس ہیڈ کوارٹر پر دہشت گرد حملے میں دو پولیس اہلکار ہلاک جبکہ متعدد زخمی ہوئے ہیں، حملہ آوروں سے مقابلہ جاری ہے۔
مقامی پولیس کے مطابق تیل کی دولت سے مالا مال ملک قازقستان کے سب سے بڑے شہر الماتے کے مرکزی علاقے میں مبینہ مذہبی شدت پسندوں نے پولیس کو نشانہ بنایا ہے۔
پولیس اور ریسکیو ٹیمیں جائے وقوعہ پر پہنچ چکی ہیں اورپولیس ہیڈ کوارٹر اور ںیشنل سیکیورٹی کمیٹی کے ہیڈ آفس سمیت شہرکے وسطی علاقے کو گھیرے میں لے لیا ہے جبکہ ریلوے اسٹیشن پربھی پولیس نے ناکہ بندی کردی ہے۔
Задержание предполагаемого участника атаки на полицейских в алматы pic.twitter.com/1wYXV9LJ8q
— Михаил Козачков (@koza4koff) July 18, 2016
ریسکیوذرائع سے تاحال موصول ہونے والی اطلاعات کے مطابق دو پولیس اہلکاردہشت گردوں کی کاروائی میں ہلاک ہوچکے ہیں جبکہ پانچ زخمیوں کو اسپتال منتقل کیا گیا ہے۔
В #Алматы неизвестный открыл #стрельбу, есть пострадавшиеhttps://t.co/AwqoSYnFRP pic.twitter.com/gskVcSxVLT
— МИА Казинформ (@kazinformkz) July 18, 2016
پولیس نے ایک حملہ آور کو حراست میں لے لیا ہے جبکہ اس کے مبینہ ساتھیوں کی تلاش میں جگہ جگہ چھاپے جاری ہیں۔
قازقستان پولیس نے عوام سے اپیل کی ہے کہ کچھ گھنٹوں تک مذکورہ علاقے میں اپنی نقل و حمل کو بالکل محدود کردیں اور کوشش کریں کہ کسی انتہائی ضرورت کے بغیر گھر سے باہرنہ نکلیں اور کوئی مشکوک شخص نظرآئے تو اس سے الجھنے کے بجائے پولیس کو اطلاع دیں۔
Предполагаемое фото одного из задержанных в алматы pic.twitter.com/P6nG545KaY
— Михаил Козачков (@koza4koff) July 18, 2016
ایک عینی شاہد نے پولیس کو فون پر اطلاع دی تھی کہ ایک شخص اس کی دکان کے سامنے سے ہاتھ میں رائفل تھامے گزرا ہے جس کے چند لمحموں بعد ہی فائرنگ کا سلسلہ شروع ہوگیا۔
واضح رہے کہ گزشتہ ماہ قازقستان کے ایک اورشہر قازخ میں مذہبی دہشت گردوں اسلحے کی دو دکانیں لوٹ کر ایک بس ہائی جیک کی تھی اور ملٹری بیس پرحملہ کیا تھا جس کے نتیجے میں سات افراد ہلاک اور 37 زخمی ہوئے تھے جن میں سے زیادہ تر کا تعلق آرمی سے تھا۔
