کراچی : نوجوان کی گٹر مہم کام کرگئی۔وزیراعلیٰ سندھ قائم علی شاہ اپنی تصاویرکھلے مین ہولز پردیکھ کر ایڈمنسٹریٹر پر برس پڑے۔ دو دن میں کھلے مین ہولز پر ڈھکنے لگانے کی ہدایت کردی۔
تفصیلات کے مطابق کراچی کے ایک نوجوان نے کراچی کے کھلے مین ہولزپر اسٹینل سے وزیراعلیٰ سندھ قائم علی شاہ کی تصاویربنائیں اورویڈیو سوشل میڈیا پراپ لوڈ کردیں۔
سائیں نے دیکھا توآپے سےباہر ہوگئے، ذرائع کےمطابق ایڈمنسٹریٹرکراچی سجاد عباسی جوجرمنی میں تھے انہیں فون کرکے ڈانٹا۔
اپنے غصے کا اظہارکرتے ہوئے کہا کہ گٹرکےڈھکن پرلوگ میرانام لکھ رہےہیں اورآپ کچھ نہیں کررہے۔ شہریوں کی پریشانی کا احساس کریں۔ قائم علی شاہ نےکہا کہ کیا گٹرکے ڈھکن بھی وزیر اعلیٰ لگائےگا؟
سائیں نےایڈمنسٹریٹرکراچی کوتنبیہہ کی کہ دو دن میں شہرمیں تمام گٹروں کےڈھکن لگائےجائیں۔ دودن بعد انسپکشن ٹیم شہرمیں گٹروں کے ڈھکن چیک کرے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں