The news is by your side.

Advertisement

گوادر ایئرپورٹ تمام ایئر لائنز کیلئے بند کردیا گیا

کراچی : بلوچستان میں ہونے والے طوفانی بارشوں کے بعد شہروں میں سیلابی صورتحال پیدا ہوگئی ہے جس کے سبب نظام زندگی مفلوج ہوکر رہ گیا۔

حالیہ برفباری اور موسلا دھار بارشوں سے متعدد علاقے سیلاب کی لپیٹ میں ہیں جس سے معمولات زندگی شدید متاثر ہورہے ہیں، گوادر ایئر پورٹ  پر بھی گھٹنوں گھٹنوں پانی کھڑا ہے۔

بلوچستان میں طوفانی بارشوں کے حوالے سے سی اے اے کی جانب سے اہم اقدامات کرتے ہوئے گوادر انٹرنیشنل ایئرپورٹ چھ جنوری تک تمام فضائی ٹریفک کیلئے بند کردیا گیا ہے۔

سول ایوی ایشن اتھارٹی انتظامیہ نے نوٹم جاری کردیا، اس حوالے سے ذرائع کا کہنا ہے کہ موسم بہتر ہوا تو گوادر ایئرپورٹ جمعرات کی سہ پہر تک کھول دیا جائے گا۔

ذرائع کے مطابق گوادر ایئرپورٹ کا ایپرن اور ٹیکسی وے مکمل طور پر زیر آب آگیا جبکہ رن وے 06/24 پر آدھا فٹ پانی کھڑا ہوگیا ہے۔

ترجمان سی اے اے کا کہنا ہے کہ گوادر ایئرپورٹ پر بارشوں سے جمع پانی کی نکاسی کا کام جاری ہے اور ایئرپورٹ کی بحالی پر تیزی سے اقدامات کیے جارہے ہیں۔

Comments

یہ بھی پڑھیں