The news is by your side.

Advertisement

آرمی چیف سے برطانوی ہائی کمشنر کی ملاقات، اہم امور پر تبادلہ خیال

راولپنڈی: پاکستان میں متعین برطانوی ہائی کمشنر ڈاکٹر کرسٹن ٹرنر نے آرمی چیف سے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق پاکستان میں متعین برطانوی ہائی کمشنر ڈاکٹر کرسٹن ٹرنر نے جی ایچ کیو کا دورہ کیا۔

ترجمان پاک فوج کے مطابق آرمی چیف سے برطانوی ہائی کمشنر کرسٹن ٹرنر نے ملاقات کی جس میں باہمی دلچسپی اور علاقائی سیکیورٹی کے امور پر تبادلہ خیال کیا گیا۔

آئی ایس پی آر کے مطابق ملاقات میں افغانستان میں جاری مفاہمتی عمل پر بھی تبادلہ خیال کیا گیا۔

دوسری جانب آرمی چیف نے لاجسٹک ورکشاپ راولپنڈی کا دورہ کیا، اس موقع پر چیف آف لاجسٹک اسٹاف لیفٹیننٹ جنرل اظہر صالح عباسی نے ان کا استقبال کیا۔

جنرل قمر جاوید باجوہ نے ورکشاپ میں مختلف حصوں اور تنصیبات کا مشاہدہ کیا، آرمی چیف کو گاڑیوں کی اپ گریڈیشن اور بہتری کے امور پر بریفنگ دی گئی۔

ترجمان پاک فوج کے مطابق آرمی چیف نے انجینئرنگ معیار اور جدت پسندی کے اقدامات کو سراہا۔

Comments

یہ بھی پڑھیں