site
stats
کھیل

حفیظ کا بولنگ ٹیسٹ مکمل‘ نتیجہ دو ہفتے میں

برسبین: پاکستانی کرکٹ ٹیم کے آل راؤنڈر محمد حفیظ نے آسٹرلیا کی لیبارٹری میں بولنگ ایکشن ٹیسٹ دے دیا، فیصلہ حفیظ کے حق میں آنے کا روشن امکان ہے۔

تفصیلات کے مطابق برسبین کی لیب میں محمدحفیظ سےتسلسل کےساتھ دوسراسمیت تمام گیندیں کرائی گئیں‘ ٹیسٹ کے دوران حفیظ سے سات سے آٹھ اوورز کرائے گئے۔

ذرائع کا کہنا ہے کہ محمد حفیظ کے باؤلنگ ٹیسٹ کی رپورٹ پر دو ہفتے میں فیصلہ آئے گا جس کی بنا پر طے کیا جائے گاکہ محمد حفیظ آئندہ باؤلنگ کراسکتے ہیں یا نہیں۔

حفیظ کا کہنا ہے کہ ان کا ٹیسٹ حوصلہ افزا رہا‘ امید ہے کہ وہ کلیئر ہوجائیں گےاوربہت جلدبیٹنگ کےساتھ بولنگ کرتے بھی دکھائی دیں گے۔

حفیظ کا بولنگ ایکشن پہلی بار نومبر دوہزار چودہ میں رپورٹ ہوا تھا‘گزشتہ سال اپریل میں چنائی کی لیبارٹری میں حفیظ نے بولنگ ایکشن ٹیسٹ دیا تھا جس میں وہ کلئیر ہوگئے تھے۔

جون دوہزار پندرہ میں سری لنکا کے خلاف گال ٹیسٹ میں وہ دوسری بار مشکوک بولنگ ایکشن کی زد میں آئےاور ان پر ایک سال کی پابندی لگادی گئی تھی۔

ٹیسٹ سے قبل محمد حفیظ نے اپنے ٹویٹر پیغام میں کہا تھا کہ انشاللہ وہ بہت جلد دوبارہ باؤلنگ کرتے ہوئے نظر آئیں گے اور آئی سی سی رینکنگ میں دوبارہ نمبر 1 آل راؤنڈر کا مقام حاصل کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top