The news is by your side.

Advertisement

سکھر : نامور قانون دان حفیظ پیرزادہ کوسپرد خاک کردیاگیا

سکھر : ممتاز قانون دان اور آئینی ماہرعبدالحفیظ پیرزادہ کو ان کے آبائی جئے شاہ قبرستان میں سپرد خاک کردیا گیا، عبدالحفیظ پیرزادہ نے سوگواران میں ایک بیوہ دو بیٹے اور دو بیٹیاں چھوڑی ہیں۔

تفصیلات کے مطابق عبدالحفیظ پیرزادہ کی میت بذریعہ ایئر ایمبولینس کراچی سے سکھر لائی گئی جہاں ان کی نماز جنازہ ادا کی گئی۔

  نماز جنازہ میں وزیراعلیٰ سندھ سید قائم علی شاہ ،قومی اسمبلی میں اپوزیشن لیڈر سید خورشید شاہ، پی ٹی آئی کے مرکزی رہنماء شاہ محمود قریشی ،جہانگیر ترین ،سندھ اسمبلی کے اسپیکر آغا سراج درانی ،میر ہزار بجارانی ممتاز بھٹو، نادر لغاری ،سیدناصر شاہ اور سینیٹر اسلام الدین شیخ سمیت قومی و صوبائی اسمبلی کے ممبران ججز وکلاء سماجی اور مذہبی رہنماﺅں کے علاوہ شہریوں کی بڑی تعداد نے شرکت کی۔

بعد ازاں انہیں ان کےآبائی جئے شاہ قبرستان میں سپرد خاک کردیا گیا، واضح رہے کہ عبدالحفیظ پیرزادہ یکم ستمبرکو لندن میں پچھترسال کی عمرمیں دوران علاج انتقال کرگئے تھے۔

انہوں نے انیس سو تہتر کےآئین کی تیاری میں اہم کردار ادا کیا۔ عبدالحفیظ پیرزادہ کا شمار پیپلزپارٹی کے بانی اراکین میں سے تھا، جنہوں نے تیس نومبر انیس سو سڑسٹھ میں ذوالفقار علی بھٹو کے ساتھ پیپلزپارٹی کی بنیاد رکھی۔

وہ ذوالفقار علی بھٹوکے قریبی ساتھی اور قانونی مشیر بھی رہے اور کئی وزارتوں کا قلم دان سنبھالا۔

Print Friendly, PDF & Email

Comments

comments

یہ بھی پڑھیں