The news is by your side.

Advertisement

پاکستان کی معاشی صورت حال بہتری کی جانب گامزن ہے، حفیظ شیخ

واشنگٹن: مشیر خزانہ عبدالحفیظ شیخ کا کہنا ہے کہ پاکستان کی معاشی صورت حال بہتری کی جانب گامزن ہے، ایسے پلیٹ فارم کی جانب جا رہے ہیں جہاں سے ترقی کا آغاز ہوگا۔

تفصیلات کے مطابق واشنگٹن میں مشیر خزانہ عبدالحفیظ شیخ نے پریس کانفرنس کے دوران بتایا کہ آئی ایم ایف، عالمی بینک، اے ڈی بی نمائندوں سے تفصیلی بات ہوئی۔

ڈاکٹر عبدالحفیظ شیخ نے کہا کہ پاکستان کی معاشی صورت حال بہتری کی جانب گامزن ہے، حکومت نے آئندہ اسٹیٹ بینک سے قرض نہ لینے کا فیصلہ کیا ہے۔

انہوں نے کہا کہ ایسے پلیٹ فارم کی جانب جا رہے ہیں جہاں سے ترقی کا آغاز ہوگا، ایف اے ٹی ایف گرے لسٹ سے نکلنے کے لیے حکومت اقدامات کر رہی ہے۔

مشیر خزانہ عبدالحفیظ شیخ نے مزید کہا کہ گزشتہ حکومتوں کی غلط پالیسیوں سے معاشی صورت حال کو نقصان پہنچا۔

امریکی کمپنیوں کو پاکستان میں سرمایہ کاری کے مواقع سے فائدہ اٹھانا چاہیے: حفیظ شیخ

مشیر خزانہ عبدالحفیظ شیخ نے گزشتہ روز امریکی سرمایہ کاروں سے خطاب کرتے ہوئے کہا تھا کہ پاکستانی معیشت استحکام کی جانب گامزن ہے، مختلف شعبوں میں سرمایہ کاری سے امریکی کمپنیوں کو فائدہ اٹھانا چاہیے۔

یاد رہے کہ تین روز قبل مشیر خزانہ عبدالحفیظ شیخ نے عالمی بینک کے نائب صدر برائے جنوبی ایشیا ہارٹ ویگ سے بھی ملاقات کی تھی جس میں آئی ایم ایف سے قرضے سمیت ملکی معیشت کے لائحہ عمل کے بارے میں گفتگو ہوئی۔

Comments

comments

یہ بھی پڑھیں