اسلام آباد : پاکستان کاروبار کرنے کی آسانیوں کے 10 سرفہرست ممالک میں شامل ہوگیا ، مشیرخزانہ خفیظ شیخ کا کہنا ہے کہ ورلڈبینک نے پاکستان میں کاروباری آسانیوں کیلئے اقدامات کوسراہا۔
تفصیلات کے مطابق مشیر خزانہ خفیظ شیخ نے سماجی رابطے کی ویب سائٹ ٹوئٹر پر عالمی بینک کی ڈوئنگ بزنس رپورٹ کے حوالے سے کہا حکومتی ادارہ جاتی اصلاحات کا عالمی سطح پراعتراف کیاگیا اور پاکستان کاروبارکرنے کی آسانیوں کے 10سرفہرست ممالک میں شامل ہوگیا ہے۔
مشیرخزانہ کا کہنا تھا کہ پاکستان کی رینکنگ میں 28درجے بہتری آئی ہے اور 136 سے 108 ویں نمبر پر آگیا ہے، ورلڈ بینک نے پاکستان میں کاروباری آسانیوں کیلئے اقدامات کو سراہا۔
Government’s structural reforms getting international recognition, Pakistan emerges among top 10 improvers globally in Ease of Doing Business. Country’s ranking improved by 28 positions to 108 from 136 last year, an unprecedented rise in World Bank’s EODB ranking. pic.twitter.com/uqvl72CAcu
— Dr. Abdul Hafeez Shaikh (@a_hafeezshaikh) October 24, 2019
یاد رہے عالمی بینک کی ڈوئنگ بزنس رپورٹ دوہزاربیس جاری کردی ہے ،جس میں پاکستان کی رینکنگ میں اٹھائس درجےکے بہتری ہوئی اور پاکستان کارپورٹ میں درجہ ایک سوآٹھ ہوگیا ہے۔
مزید پڑھیں : عالمی بینک کی ڈوئنگ بزنس رپورٹ، پاکستان کی رینکنگ میں 28 درجے بہتری
پاکستان ٹاپ ٹین اصلاحات کرنے والے ممالک میں شامل ہے ، گزشتہ سال پاکستان کانمبرایک سو چھتیس تھا، درجے میں بہتری کی وجہ وفاق اور صوبوں کی جامع اصلاحات ہیں، وفاق، سندھ اور پنجاب نےنمایاں اصلاحات کی ہیں۔
انڈیکس میں پاکستان کو مجموعی طور پر اکسٹھ نمبر حاصل ہوئے ہیں، گزشتہ سال پاکستان کا اسکور پچپن اعشاریہ پانچ تھا، پاکستان نے نئے بزنس کے آغاز، اقلیتی سرمایہ کاروں کے تحفظ، دوالیہ کے مسائل، کانٹریکٹس کے اطلاق، بجلی کنیکشن اور تعمیرات اجازت نامےکےحصول میں نمایاں اصلاحات کی ہیں۔
