The news is by your side.

Advertisement

قومی اسمبلی میں جو پی ڈی ایم نے کیا، سینیٹ میں وہی حکومت نے کیا: حافظ حسین

اسلام آباد: حافظ حسین احمد نے کہا ہے کہ قومی اسمبلی میں جو کچھ پاکستان ڈیموکریٹک موومنٹ نے کیا تھا، وہی کچھ حکومت نے سینیٹ میں ان کے ساتھ کیا۔

اے آر وائی نیوز کے مطابق جمیعت علمائے اسلام پاکستان کے رہنما حافظ حسین احمد نے چیئرمین اور ڈپٹی چیئرمین سینیٹ کے انتخاب پر تبصرہ کرتے ہوئے کہا کہ پی ڈی ایم کو نہ خدا ہی ملا نہ وصال صنم، نہ ادھر کے ہوئے نہ اُدھر کے ہوئے۔

انھوں نے کہا آصف علی زرداری نے ایک ایک کر کے مسلم لیگ ن کے پرانے تمام حساب چکا دیے ہیں، طاقت ور قوتوں نے زرداری کے توسط سے پی ڈی ایم کا مخالفانہ ٹریک ہی تبدیل کر دیا۔

بلاول بھٹو صاحب، نیوٹرل کا مزہ آیا؟ ن لیگی رہنما کا طنز اور بلاول کا چُبھتا جواب

حافظ حسین احمد کا کہنا تھا سات کا ہندسہ پہلے کامیابی پھر ناکامی کا باعث بنا، سات کے ہندسے نے ساتھ رہنے والوں کے ساتھ ہاتھ کر دیا، جے یو آئی کو بند گلی میں پہنچانے والے مولانا فضل الرحمٰن کو سوچنا چاہیے کہ اس نے کیا کھویا اور کیا پایا؟

ان کا کہنا تھا ڈھائی سال سے جے یو آئی کو دو بڑی جماعتیں جس طرح ٹشو پیپر کے طور پر استعمال کرتی رہیں، آج اس کا انجام سامنے آ چکا ہے۔

حافظ حسین نے پیش گوئی کی کہ پی ڈی ایم کے 26 مارچ کے مجوزہ ’رینٹل‘ مارچ سے پیپلز پارٹی جان چھڑانے کی کوشش کرے گی۔

Comments

یہ بھی پڑھیں