تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

قومی ترانے کے خالق حفیظ جالندھری کی برسی

پاکستان کے قومی ترانے کے خالق حفیظ جالندھری 21 دسمبر 1982ء کو وفات پاگئے تھے۔ آج ان کا یومِ وفات ہے۔

حفیظ جالندھری نے غزل اور نظم کے علاوہ اردو ادب کی مختلف اصنافِ سخن کو اپنی تخلیقات سے مالا مال کیا اور خوب نام و مرتبہ حاصل کیا۔ وہ ایک قادر الکلام شاعر تھے جنھوں نے مختلف موضوعات کو اپنی شاعری سمویا۔ انھوں نے بچّوں کے لیے بھی نظمیں تخلیق کیں۔

حفیظ جالندھری 14 جنوری 1900ء کو پنجاب کے مشہور شہر جالندھر میں پیدا ہوئے تھے۔ وہ غزل، نظم اور گیت نگاری کے لیے مشہور ہیں۔ تاہم ان کا سب سے بڑا کارنامہ شاہنامہ اسلام ہے جو چار جلدوں میں شایع ہوا۔ یہ ان کی وہ بامقصد اور اصلاحی تخلیق ہے جس نے انھیں اپنے ہم عصروں میں نمایاں کیا۔ حفیظ جالندھری نے شاہنامہ اسلام لکھ کر اسلامی روایات اور قومی شکوہ کا احیا کیا جس پر انہیں فردوسیِ اسلام کا خطاب دیا گیا۔

حفیظ جالندھری اپنے لکھے ہوئے قومی ترانے کی وجہ سے ہمیشہ یاد رکھے جائیں گے۔

حفیظ جالندھری کے شعری مجموعوں میں نغمہ بار، تلخابہ شیریں اور سوزوساز شامل ہیں۔ ان کے افسانوں کا مجموعہ بھی شایع ہوا جب کہ بچوں کی نظموں پر مشتمل کتاب بھی شایع ہوئی۔

پاکستان کے قومی ترانے کے خالق حفیظ جالندھری نے 21 دسمبر 1982ء کو لاہور میں ہمیشہ کے لیے آنکھیں موند لیں۔ انھیں مینارِ پاکستان کے احاطے میں سپردِ خاک کیا گیا۔

Comments

- Advertisement -