The news is by your side.

Advertisement

کے الیکٹرک کے خلاف گورنر ہاؤس پر29 اپریل کو دھرنا دیں گے، حافظ نعیم

کراچی : جماعت اسلامی کراچی کے امیر حافظ نعیم الرحمان نے کہا ہے کہ کراچی میں ضرورت سے زیادہ بجلی موجود ہے لیکن پھر بھی اندھیروں کو شہر کا مقدر بنادیا گیا ہے 29 اپریل کو گورنر ہاؤس پر دھرنا دیں گے۔

وہ کراچی کے علاقے بابر مارکیٹ میں کے-الیکٹرک کے خلاف جماعت اسلامی کی جانب سے دیئے گئے دھرنے سے خطاب کر رہے تھے انہوں نے کہا کہ کراچی سے لوڈشیڈنگ ختم کروا کر رہیں گے اور شہریوں کی لوٹی گئی رقم واپس دلوائی جائے گی۔

حافظ نعیم الرحمان نے کہا کہ اگر ہمارے مطالبات نہیں مانے گئے تو وہ کے-الیکٹرک کے تمام دفاتر کا گھیراؤ کریں گے اور انتظامیہ کو مجبور کر دیں گے کہ کراچی سے لوڈ شیڈنگ کا خاتمہ کرے اور شہریوں سے اوور بلنگ کے نام پر لوٹی گئی رقوم واپس کرے۔

اس موقع پر حافظ نعیم الرحمان نے اعولان کیا کہ جماعت اسلامی اب گورنر ہاوس پر دھرنا بائیس اپریل کے بجائے انتیس اپریل کو دیا جائے جس میں کارکنان اور عوام الناس کی بڑی تعداد شرکت کرے گی اور اپنے مطالبات کی منظوری تک واپس مہیں لوٹیں گے۔

واضح رہے اس سے قبل جماعت اسلامی کے-الیکٹرک کے خلاف شاہراہ فیصل پر بھی دھرنا دے چکی ہے اور اس پاداش میں امیر جماعت اسلامی کراچی سمیت کئی رہنماؤں کو لاک اپ بھی کیا گیا تھا۔

Print Friendly, PDF & Email

Comments

comments

یہ بھی پڑھیں