site
stats
پاکستان

بھارت جو زبان بولتا ہے پاکستان میں اہم وزارتوں پر بیٹھے افراد بھی وہی زبان بول رہے ہیں، حافظ سعید

لاہور : جماعت الدعوۃ کے امیر حافظ محمد سعید نے کہا ہے کہ امریکی دباؤ پر ان کی جماعت کیخلاف اقدامات کی باتیں کی جا رہی ہیں، بھارت جو زبان بولتا ہے، پاکستان میں اہم وزارتوں پر بیٹھے افراد بھی وہی زبان بول رہے ہیں۔ 2 فروری سے عشرہ یکجہتی کشمیر منائیں گے۔

تفصیلات کے مطابق لاہور میں پریس کانفرنس سے خطاب کرتے ہوئے امیر جماعت الدعوۃ حافظ محمد سعید کا کہنا تھا کہ گزشتہ سال کشمیر کے حوالے سے بھرپور تحریک چلانے کے اعلان کے بعد انہیں اور ساتھیوں کو گرفتار کیا گیا، 2018 کو کشمیر کی آزادی کا سال قرار دیا، جس پر بھارت نے ایک بار پھر پروپیگنڈا شروع کر دیا، بھارتی واویلے کے ساتھ اسرائیل اور امریکا بھی شامل ہوچکے ہیں۔

حافظ سعید نے کہا کہ امریکی دباؤ پر جماعت الدعوۃ کیخلاف اقدامات کی باتیں کی جا رہی ہیں، بھارت جو زبان بولتا ہے پاکستان میں اہم وزارتوں پر بیٹھے افراد بھی وہی زبان بول رہے ہیں۔

انکا کہنا تھا کہ حافظ سعید نے کہا کہ اقوام امتحدہ کے وفد کا بہانہ بنا کر کاروائیاں کی جا رہی ہیں، کشمیر پر یو این کی قرار داد موجود ہے مگر بھارت کی 8 لاکھ فوج کشمیر میں موجود ہے، 2 سے 11 فروری تک عشرہ یکجہتی کشمیر منایا جائے گا۔

امیر جماعت الدعوۃ نے اقوام متحدہ کے وفد کو اپنے مراکز کے دورے کی دعوت دیتے ہوئے کہا کہ وہ کوئی غیر قانونی کام نہیں کر رہے، لاہور ہائیکورٹ 6 مرتبہ اور سپریم کورٹ بھی ان کے حق میں فیصلہ دے چکی ہے۔

حافظ سعید نے کہا کہ پاکستان کے وزیر داخلہ عدالتوں کی بجائے بھارتی پروپیگنڈے سے متاثر لگتے ہیں، بھارت اور امریکا کے دباؤ پر ان کے خلاف اقدامات کرنے سے باز رہیں۔

انہوں نے کہا کہ بھارت میں را، موساد اور این ڈی ایس مشترکہ پلاننگ کر رہے ہیں، ان کا ٹارگٹ صرف پاکستان ہے، ملک پر منڈلاتے خطرات کو سمجھنا چاہیئے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top