site
stats
پاکستان

حافظ آباد میں کومبنگ آپریشن‘ 57افراد گرفتار

حافظ آباد: صوبہ پنجاب کےشہر حافظ آباد میں پولیس اور قانون نافذ کرنے والے اداروں نے کومبنگ آپریشن کےدوران 57افراد کو گرفتارکرکےاسلحلہ برآمد کرلیا۔

تفصیلات کےمطابق صوبہ پنجاب کےشہر حافظ آباد،جلال پوربھٹیاں اورسکھیکھی میں پولیس اور قانون نافذ کرنے والے اداروں نے کومبنگ آپریشن کےدوران بڑی تعداد میں اسلحہ برآمد کرکے 57مشتبہ افراد کوگرفتار کرلیا۔

پولیس حکام کےمطابق جی 3رائفلیں،ایس ایم جیز اوردیگراسلحہ شامل ہےجبکہ آپریشن کےدوران غیرقانونی طور پر مقیم 16افغان باشندوں کو بھی گرفتار کیاگیا۔


پنجاب میں سی ٹی ڈی کی کارروائیاں‘ 9دہشت گرد گرفتار


خیال رہےکہ گزشتہ روز سی ٹی ڈی نےملتان سویرہ چوک میں کالعدم تنظیم جماعت الاحرار سے تعلق رکھنے والے دہشت گردوں کی موجودگی کی اطلاع پر کارروائی کرتے ہوئے7دہشت گردوں کوگرفتار کیاتھا۔

دوسری جانب سی ٹی ڈی گجرانوالہ ٹیم نےسیالکوٹ میں کارروائی کےدوران 2 دہشت گردوں کو گرفتار کرلیا۔ملزمان کو تفتیش کےلیےنامعلوم مقام پرمنتقل کردیاگیا۔


سی ٹی ڈی کی کارروائی‘ مال روڈ دھماکےکےسہولت کارسمیت 10دہشت گرد ہلاک


یاد رہے کہ 8 اپریل کو لاہور کےقریب محکمہ انسداد دہشت گردی کی کارروائی کےنتیجے میں کالعدم تنظیم کے10دہشت گرد ہلاک ہوگئےتھے۔

واضح رہےکہ مناواں میں ہونےوالی کارروائی کےدوران ہلاک ہونے والےدہشت گردوں میں لاہور کے مال روڈ پر خودکش حملے کا سہولت کار بھی شامل تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top