bone حافظ آباد: امداد کا لالچ دے کرلڑکیوں کا بون میرو نکالنے والے3ملزمان گرفتار
The news is by your side.

Advertisement

حافظ آباد: امداد کا لالچ دے کرلڑکیوں کا بون میرو نکالنے والے3ملزمان گرفتار

حافظ آباد : پنجاب کے شہر حافظ آباد سے لڑکیوں کی ریڑھ کی ہڈی سے بون میرو نکالنے کا انکشاف ہوا ہے، اس مکروہ دھندے میں ملوث خاتون سمیت تین ملزمان گرفتار کرلیے گئے۔

تفصیلات کے مطابق خادم اعلیٰ کے ترقی پذیر صوبے پنجاب میں غریبوں کو لوٹنے کی ایک اور گھناؤنی سازش کا انکشاف ہوا ہے۔

میڈیکل ٹیسٹ کے بہانے بون میرو نکالنےکا دھندا بے نقاب ہوگیا، غریب لڑکیوں کی ریڑھ کی ہڈی سےگودا نکالنے والا گروہ دھر لیا گیا۔

ملزمان جہیز پیکج کا لالچ دے کر میڈیکل کروانے کے بہانے خواتین کا بون میرو نکال لیتے تھے، اس مکروہ دھندے میں ایک خاتون سمیت تین ملزمان ملوث ہیں۔

محلہ بہاول پورہ کی متاثرہ خاتون نےالزام عائد کیا ہے کہ ملزمان نے اسے کہا کہ امداد ملنے سے پہلے میڈیکل ٹیسٹ کرانا ہوگا۔ اس بہانے انہوں نے بون میرو نکال لیا۔

ملزمان نے جہیز کیلئے امداد کا لالچ دے کر فارم پردستخط بھی کرائے، پولیس نے متاثرہ خاندان کی درخواست پرمقدمہ درج کرلیا ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

 

Comments

comments

یہ بھی پڑھیں