The news is by your side.

Advertisement

ظالم بھائیوں نے جائیداد کے لالچ میں 20 سال بہن کو قید رکھا

ذمہ دار کون کی نشاندہی پر خاتون کو رہائی نصیب ہوئی

حافظ آباد: صوبہ پنجاب کے ضلع حافظ آباد میں جائیداد کی لالچ میں بھائیوں کا بہن کو برسوں تک قید میں رکھنے کا انکشاف ہوا ہے.

تفصیلات کے مطابق لالچ کی ایک لرزہ خیز داستان سامنے آگئی، حافظ آباد میں لالچی بھائیوں نے 20 سال سے بہن کو کمرے میں بندکررکھا تھا، بتایا جارہا ہے کہ ملزمان بااثر سیاسی شخصیت ہیں.

خاتون انتہائی درگرگوں حالت میں قید تھیں، کمرے کی حالت انتہائی خراب تھی

خاتون انتہائی درگرگوں حالت میں قید تھیں، کمرے کی حالت انتہائی خراب تھی، کھانا بھی تھیلی میں بندکرکے کمرے میں پھینک دیاجاتا تھا.

اے آروائی نیوزکے پروگرام’’ذمہ دارکون‘‘کی نشان دہی پر مظلوم خاتون کی بازیابی کے لیے الیکشن لیا گیا.

خاتون کو پولیس نے زخمی حالت میں بازیاب کرایا، جب کہ ظالم بھائی کو گرفتار کر لیا گیا.

مزید پڑھیں: حافظ آباد میں ٹریفک حادثہ، ایک شخص جاں بحق، 15 افراد زخمی

وزیر انسانی حقوق پنجاب نے اپنے ایک بیان میں کہا ہے کہ بھائیوں کے خلاف سخت ایکشن لیں گے اور مظلوم خاتون کو انصاف دلائیں گے.

اس معاملے کا افسوس ناک سماجی پہلو یہ ہے کہ 20 سال تک علاقہ مکین اس مظلوم خاتون کے چیخنے چلانے اور رونے کی آواز سنتے رہے اور اسے گھر کا معاملہ قرار دے کر نظر انداز کرتے رہے۔

دوسری جانب بہن کو حبسِ بے جا میں رکھنے والے بھائیوں میں سے ایک ایجوکیشنل اکیڈمی کا مالک بھی ہے، جس شخص کا اپنی بہن کے ساتھ یہ رویہ 20 برس رہا اس کے ادارے میں تعلیم کے معیار کا اندازہ لگایا جاسکتا ہے۔

Comments

comments

یہ بھی پڑھیں