راولپنڈی: زمبابوے کے خلاف دوسرے ون ڈے میچ میں نوجوان بیٹسمین حیدر علی کا آؤٹ متنازع بن گیا۔
تفصیلات کے مطابق زمبابوے کے خلاف دوسرے ون ڈے میں نوجوان بیٹسمین حیدر علی کی وکٹ پر انگلیاں اٹھنے لگیں، شان ولیمز کی گیند پر حیدر علی کو ایل بی ڈبلیو آؤٹ دیا گیا تھا۔
حیدر علی کے ریو ویو لینے پر ری پلے میں گیند حیدر کے گلوز ے لگتی ہوئی محسوس ہوئی، اسنیکو میٹر میں بال کے گلوز سے ٹکرانے کی کوئی لائن نہیں دیکھی گئی جس کے باعث تھرڈ امپائر نے انہیں آؤٹ دیا۔
DRS on Haider Ali’s dismissal.
Classic case of 1-D illusion and why view from one camera is sometimes not sufficient to decide such cases.
Screenshots courtesy PCB live stream; for illustration purposes only. pic.twitter.com/amtJ9bFv1U
— Zubair Ahmad (@bz4u4) November 1, 2020
حیدر علی آؤٹ دینے کے بعد مداحوں نے ٹیکنالوجی پر سوال اٹھادئیے۔
واضح رہے کہ دوسرے ون ڈے میچ میں ڈیبیو کرنے والے حیدر علی نے 24 گیندوں پر 29 رنز کی اننگز کھیلی تھی، ان کی اننگز میں دو چھکے اور ایک چوکا شامل تھا۔
پاکستان نے زمبابوے کو دوسرے ون ڈے میچ میں 6 وکٹوں سے شکست دے کر سیریز میں 2-0 کی فیصلہ کن برتری حاصل کرلی تھی، سیریز کا آخری میچ کل راولپنڈی میں کھیلا جائے گا۔
زمبابوے نے دوسرے ون ڈے میں پہلے بیٹنگ کرتے ہوئے 206 رنز پر ڈھیر ہوگئی تھی، پاکستان نے مطلوبہ ہدف باآسانی 35.1 اوورز میں 4 وکٹوں کے نقصان پر حاصل کرلیا تھا۔