بالوں کا گرنا ایک قدرتی عمل ہے لیکن قدرتی مقدار سے زیادہ گرنا پریشانی کا باعث ہے، اس کا علاج کرنے سے پہلے بال گرنے کی وجوہات کو جاننا ضروری ہے۔
بال گرنے کی وجوہات ایک موروثی خواص اور کسی ہارمونی تبدیلی، کسی اور بیماری کا شکار ہونے اور اس کے طِبّی علاج کے کسی ذیلی اثر پر بھی مشتمل ہو سکتی ہیں گو بال گرنے کی شکایت ہر کسی میں پیدا ہوسکتی ہے لیکن عام طور پر مرد اس کا زیادہ شکار ہوتے ہیں۔
سردیوں میں یہ شکایت مرد ہوں یا خواتین سب کو ہی رہتی ہے، موسم سرما میں بال گرنے کے مسائل پر کیسےقابو پایا جائے؟ اس کیلئے انتہائی آسان اور موثر طریقے جانیے۔
اے آر وائی نیوز کے پروگرام باخبر سویرا میں ماہر صحت ڈاکٹر کاشف نے بتایا کہ مسئلہ یہ ہے کہ ہم اس موسم میں پانی کا استعمال کم اور چائے کافی کی مقدار بڑھا دیتے ہیں۔
اس پر قابو پانے کیلئے بالوں میں تیل لگانا ضروری ہے، سب سے بہترین سرسوں کا تیل ہے جسے رات کو لگایا جائے اور صبح اٹھ کر شیمپو سے دھولیا جائے تو اس مسئلے سے نجات ملک سکتی ہے۔
ڈاکٹر کاشف نے نسخہ بتایا کہ کسٹر آئل کوکونٹ آئل اور پانی برابر مقدار میں ملا کر ایک بوتل میں رکھ لیں اس تیل کو نہانے کے بعد سر پر اسپرے کریں اس عمل سے بالوں میں چمک بھی آئے گی۔